مندیـر

"تيلم"
   تقديم به پيداي پنهان

بي تو فصلا همه سيم عين خزونه تيلم
غم ناديدن تو ظلم گرونه تيلم
مُهر مِهر تو از اول به دلم خرد و هني
تا هدم دل به همو مهر و نشونه تيلم
سو تيامي گر زوني همه چيمي چه بگم
شعله عشق تو سيم راحت جونه تيلم
برگ و تي دست به يک دادنه سي کشتن مو
تيمه ها زير سر برُگ کمونه تيلم
مثل بلبل که سي گل نيگره زونس به دهون
دل مو قول و غزل سي تو اخونه تيلم
سوز لوني تيلت عين صفا ايلاقه
داغ کو چم اکنه دلنه کشونه تيلم
افتو ري بنما ز پس اور پل شه
افتو عمر مو دي ور لو بونه تيلم
قول مردم گودني شاه به خوشيمونه بيو
ار بايي همه دنيا ز خومونه تيلم