تفنگ عليمردون هم باز صدا كرد

سرهنگ كُله پوستي هنگ بِلا كرد

تفنگ عليمردون هم باز قُرمنيد

سرهنگ كله پوستي چادر رُمنيد

بي عروس كل ايزنه كل بساكي

سَنگران خين گِرِد تا كفت خاكي

بي عروس تو كل بزن كل بساكي

تفنگچي ز مم صالح سُوار ز راكي

شُمشير عليمردون طلاي بي غَش

به زمين بِرچ ايزنه به آسمون تَش

نظامي كله پوستي لنگا مَلاري

نتري جنگ بُكُني وا بختياري

طياره بال بال كنه سر كوه وِردُون

اسم شانه كور كنه شير علي مردون

طياره بال بال كنه سر كوه فردون

شُمشيرم به گِــل زنم سي كل ايرون

دودر گل سي كشتنم پلان بريدن

گـــويلم ز داغ مـــو كمر بريدن

بالـونا بالا هوا بــالا تنيــده

ددويل محمد علـــي پلا بريده

كُجه تيپ كُجه سپـاه كُجه فراشُم

ره بدين دام و ددوم بيان سر لاشم

بيست و چهار تير خَردُمه هني بهوشم

ليكه دام و ددوم اويــــد به گوشم

سِر تنگ تاته تنگ تانك و زره پوش

ما بين شال و قوا خين ايزنه جوش